雖然由收到offer call既一刻起可以話係踏左半隻腳入魚翅航空
面前既天高海闊確實令人好期待, 好興奮
但回想過去既5個月, 我深深地明白呢個過程一D都唔輕鬆
旁人輕輕問句: 考國泰空姐難唔難?
其實考過既人都知個答案又點止一句難或唔難就可以概括到呢?
所以我覺得所有肯打開電腦攪盡腦汁, 千方百計執靚份CV再打埋cover letter
然後鼓起勇氣按個制apply既仔仔囡囡都係值得為你拍下手掌的…啪啪啪
皆因你地都係勇氣可嘉, 勇於接受挑戰既人!!!
今日就由我呢隻小小既準空喵以過來人身份同大家些牙小小interview既tips啦~喵
雖然網上一個keyword就可以輕鬆咁搵到海量既面試技考
但小空喵果D係親身體會喔~2016的喔~喵
Phone interview
咩都唔好講住, 背左2747呢4位數先!
呢個唔係你屋企樓下密碼丫, 係國泰phone in必用既來電字頭,
認住呢4位數, 分分鐘你未來既幾個月就係為左不斷等等等, 等住再收呢4個字頭既call
其實而家phone in好似簡化左好多, 已經無左用英文簡單對答既環節, 直接開波
內容大概係同你confirm first
interview日期時間, 如果你果個time slot真係唔得閒唔緊要
要坦白同HR姐姐講, 佢地會問你幾時ok, 有商有量架, 唔駛驚, 但記得要有禮貌喔~
再黎就係講interview 地點, 唔駛多講, 一定又係國泰城Headland Hotel地下沿石級行上一層
如果你係就黎畢業既可能HR姐姐都會問多句你幾時考曬試,
一樣啦坦坦白白就ok, HR姐姐會幫你將就返interview時間, 超感動!
我果陣收既first in時間係剛好去澳洲旅行既前一日,
其實我唔mind架, 因為我覺得自己handle到,
點知HR姐姐一聽到我話第二日就飛, 驚我唔夠時間執行李,
於是主動話提早一日比我in, 等我多D時間準備飛…
係咪聽到都超sweet呢J
受外圍環境影響, 今年國泰intake既人數似乎唔多,
假如intake人數少左而apply既人數keep住唔變, 咁今年既競爭真係大左好多,
唔好因為咁就放棄丫, 我相信有D野係你既就注定係你的, 黎緊即將first in既人要加油喔!
沒有留言:
發佈留言